Utdanningsforbundet legg til grunn at det er heimel for alle dei skisserte tilpassings- og intensivtiltaka i dagens lov- og regelverk. Dei endringane departementet gjer framlegg om, gir etter vår vurdering ikkje klarare føringar eller betre sikring av meir likskap i tiltak eller kvalitet. Framlegget inneber nye omgrep med stort tolkingsrom, som «henge etter» og «forventet progresjon», som heller kompliserer enn forenklar lovteksten, og som vi ikkje kan sjå er i samsvar med den politiske ambisjonen om avbyråkratisering gjennom sanering og forenkling av lovverket.