Forhandlingsstart i KS torsdag 27. april

Steffen Handal (leiar) og Silje Naustvik (nestleiar) skal leie forhandlingane i tariffområde KS på vegne av Unio kommune. Her står dei utanfor KS-huset, begge med eit alvorleg blikk.
Steffen Handal (leiar) og Silje Naustvik (nestleiar) i forhandlingsutvalet Unio kommune skal leie forhandlingane i tariffområde KS.

Etter at streiken i industrien vart avlyst i går er det no klart at forhandlingane i kommunesektoren vil starte neste veke.

Tekst Marius G. Vik

Tekst Marius G. Vik

Forhandlingsstart i KS torsdag 27. april

Etter at streiken i industrien vart avlyst i går er det no klart at forhandlingane i kommunesektoren vil starte neste veke.

Partane i tariffområde KS vart einige om å utsetje den planlagde forhandlingsstarten etter at det vart streik i frontfaget. Etter at partane der kom til eining torsdag kveld, har partane i kommuneoppgjeret no avtalt at deira forhandlingar skal starte torsdag 27. april. Opphavleg skulle forhandlingane ha starta torsdagen ei veke før.

Forhandlingsfrist er framleis midnatt, natt til måndag 1. mai, slik planen var.

Partane i KS-tariffområde er KS og forhandlingssamanslutningane LO Kommune, Unio kommune, YS Kommune og Akademikerne kommune.

Forhandlingane i staten hadde opphavleg planlagt oppstart den 27. april, og dette gjeld framleis. Spekter har oppstart måndag 24. april. Datoen i Oslo kommune er enno ikkje avklara.

Følg med på lønsoppgjeret på nettsidene våre: Lønsoppgjeret

LønnsoppgjøretTariffområde: KS (kommuner og fylkeskommuner)Unio