Målgruppe: Barnehagelærarar

Dette er eit kurs for deg som arbeider i ein bokmålskommune og vil bidra til meir skriftspråkmangfald i barnehagen, og for deg som arbeider i ein barnehage i eit nynorskområde.
Kurset vil handle om kva nynorsk er i ein barnehagesamanheng, om kvifor nynorsk bør vere synleg i barnehagen, men aller mest om korleis du kan leggje til rette for nynorsk med dei minste. Derfor legg kurset vekt på:

• Høgtlesing og bokaktivitetar på nynorsk
• Kva for nynorskbøker som kan knytast til ulike tema i barnehagen
• Synging og songleik på nynorsk
• Rim og regler på nynorsk
• Oppdagande skriving på nynorsk knytt til teikning og andre aktivitetar
• Bruk av nynorsk skrift i rolleleik
• Nynorsk i barnehagen sitt språklandskap: på veggane, i hyllene og på do

Kurset tek utgangspunkt i Rammeplan for barnehagen (2017) som seier at born i alle norske barnehagar skal «møte ulike språk, språkformer og dialektar gjennom rim, regler, songar, litteratur og tekstar frå notid og fortid» og få «erfaringar med ulike skriftspråklege uttrykk, til dømes leikeskrift, teikning og bokstavar, gjennom lese- og skriveaktivitetar».

Kurset er digitalt. Det blir teke opptak som er tilgjengeleg for påmelde deltakarar i 30 dagar.

Om kurshaldar
Eli Bjørhusdal er professor i norsk språk ved Høgskulen på Vestlandet. Der underviser ho i og forskar på språk og skrift i barnehagen. Ho har gjeve ut boka Nynorsk med dei minste (2017) saman med Ingvil Brügger Budal (Nynorsk med dei minste).

Vi tek atterhald om endringar i programmet og nok påmelde. Deltakaren vil bli fakturert ved avbod etter avmeldingsfristen.