På bakgrunn av litt ulike tolkningar av avtalen, blei me i haust einige om at me trong litt felles opplæring. Espen og Hogne frå UDF Rogaland tok på seg oppdraget og kom til Sauda for å halde kurs. Fyrst for leiarar og tillitsvalde, deretter for lærarar og andre i skulen. Det var ingen ledige stolar i kantina på ungdomsskulen denne dagen.

No vonar me at alle er litt betre rusta til å kome til semje om ein god avtale som gangnar alle partar, og som har fokuset på det viktigaste, nemleg god opplæring for elevane. Me kan vera einige om at det beste(og verste) med SFS 2213 er at den opnar opp for ulik praktisering. Dialog er nøkkelen til suksess i forståinga av avtalen.